П.А.Ойуунускай аатынан государственнай литературнай музей
Саха народнай поэта И.М.Гоголев-Кындыл (1930-1998)
төрөөбүтэ 90 сылыгар аналлаах өйтөн суруйуу республикатааҕы күрэҕэ

Балаһыанньата
Сыала-соруга: И.М.Гоголев-Кындыл айымньыларыгар үөрэнээччилэр, эдэр ыччат сыһыанын билии. Оҕо бэйэтин санаатын сааһылаан уонна уус-уран хомоҕой тылынан-өһүнэн суруйарыгар көҕүлээһин.
Ыччаттар поэзияҕа, прозаҕа кыра кээмэйдээх драматическай айымньыларга күүстэрин холонуулара.
Бириэмэтэ: ахсынньы 24 күнүттэн тохсунньу 27 күнүгэр диэри.
Хабар эйгэтэ: алын сүһүөх үөрэнээччилэрэ 2-4 кыл., 5-8 кыл., 9-11 кыл. үөрэнээччилэрэ

Өйтөн суруйуу темалара:
1. Таптал тиэмэтэ Иван Гоголев поэзиятыгар.
2. Саха кыыһын, дьахтарын дьылҕата Кындыл айымньыларыгар
3. И.Гоголев-Кындыл айымньыларыгар сахалыы ааттар.
4. И.Гоголев айымньыларыгар бэргэн этиилэр.
5. И.Гоголев айымньыларыгар символ уобарастар.
6. И.М.Гоголев-Кындыл айымньытыгар Өлүөнэ уобараһа
7. И.Гоголев “Хара кыталык” айымньытыгар ураты дьылҕалаах дьон туһунан мин санаам.
8. Төрөппүт, оҕо сыһыана Кындыл прозатыгар
9. Төрөөбүт тыл ыар дьылҕата “Иэйэхсити кэлэтии” ромаҥҥа.
10. “Норуот итэҕэлэ, төрөөбүт дойду дьылҕата, норуот историята уонна кэскилэ И.М.Гоголев-Кындыл драматическай айымньыларыгар.
11. И.Гоголев “Санньыар санаам сэргэтэ” публицистическай айымньытын тула санаалар.
12. Иван Гоголев Наара Суох испэктээкил оҕо хараҕынан.
13. И.Гоголев остуоруйалара
Өйтөн суруйуу маннык ирдэбилинэн сыаналанар:
-айымньыга тус бэйэ сыһыанын быһааран суруйуу;
-айымньыны ырытыыга бэйэ санаатын, сыанабылын суруйуу;
-айымньы уобарастарын тиһиликтэрин, тематын, проблематын, идеятын арыйыы;
-теория сүрүн өйдөбүллэрин туттан ырытыы, киритиктэр, литературоведтар сыанабылларыттан цитаталааһын
-тиэкиһи оҥорон таһаарыы, санааны сатаан тиэрдэн уонна сааһылаан суруйуу, үлэ тупсаҕай тутула.
Наҕараадалааһын: хас сүһүөх аайы лауреат –1, дипломаннар – 1, 2, 3 степеннээх.
Усунуос 100 солк. Усунуоһу уонна текстовой матырыйаалгытын музей аадырыһыгар тиксэрэҕит.
Билсэр тел: 42-89-12
Аадырыспыт: Дьокуускай, Октябрьскай уулусса 10, 428912.
Түмүк: Музей www.sakhalit.com сайтыгар уонна @sakhalitmusem инстаграмыгар тахсыаҕа.