Түмэлгэ “Закружилась листва золотая” дьаарбаҥка-быыстапка буолла. Биллэр блогер Айсена Сыроватская спикердаата. Хабылыкка, кэрэ хартыыналары кырыйыыга, витражка маастар-кылаас, “Book-кроссинг” кинигэни атастаһыы түһүлгэтэ олус интэриэһинэйдик тэрилиннэ. Маастар-кылаастары ыыттылар: Олего Данилович Бугулов, Любовь Николаевна Еромолаева, Егор Николаевич Петров ыыттылар. Суруйааччылар Гаврил Андросов, Николай Курилов, Иван Мигалкин, Н.Е. Винокуров-Урсун, Наталья Михалева-Сайа, Анна Гоголева, А.С. Христофорова-Хагдаанай о.д.а автографтарын бэлэхтэээтилэр, саҥа кинигэлэрин туһунан кэпсээтилэр. Бу күн флешмоб, ырыа-тойук, үҥкүү-битии түмэл тэлгэһэтин толордо. Намыына, Игорь Петров, Александр Иванов кэрэ ырыаларын, аан дойдутааҕы конкурстар хас да төгүллээх лауреаттара Ефросиния Ефимова скрипкаҕа толоруутун дьон-сэргэ дуоһуйа иһиттилэр, “Школа третьего возраста” эдэрдии эрчимнээх үҥкүүлэрин астына көрдүлэр. Кэлбит ыалдьыттар аһаҕас микрофоҥҥа хоһооннору аахтылар. Минньигэс итии чэй, кофе, кус миинэ, сылаас алаадьы уонна кинигэ ааҕыы, көрүү-истии, хардарыта атастаһыы бу күн олус сэргэхтик ааста. Бары кыттыбыт, ыалдьыттаабыт дьоммутугар-сэргэбитигэр махтанабыт! Кинигэни ааҕыы ситимин быспакка, сайда-чэчирии туруохтун!