❇Болҕойуҥ!!!
П.А. Ойуунускай аатынан литературнай музейга тохсунньу 25 күнүгэр 12.00 чаастан Сивцев Ефрем Степанович-Таллан Бүрэ төрөөбүтэ 110 сылыгар аналлаах «Үчүгэй Өлүөнэ ырыаһыта — Таллан Бүрэ» быыстапка арыллыыта буолуоҕа.
Оҕолоро, суруйааччылар кыттыыны ылыахтара. Литература Музейын пуондатыгар баар хаартыскалара, Таллан бүрэ аатынан Бөтүҥ орто оскуолатын Музейын пуондатыгар баар суруйааччы тус бэйэтэ тутта сылдьыбыт маллара көрдөрүүгэ туруохтара. Төрөөбүт дойдутун уһулбут виртуальнай бырайыакпытын көрүөххүт.

🔷Сивцев Ефрем Степанович – Таллан Бүрэ (25.01.1909 – 01.03.1981 сс.) – поэт. Гражданскай сэрии кыттыылааҕа. СР культуратын үтүөлээх үлэһитэ, 1944 сылтан ССРС Суруйааччыларын Союһун чилиэнэ.
Нам улууһугар төрөөбүтэ. 1932 с. Дьокуускайдааҕы советскай-партийнай оскуоланы бүтэрбитэ. Хас да сыл РОНО сэбиэдиссэйинэн, орто оскуолаҕа саха тылын, литературатын учууталынан үлэлээбитэ. 1943 сылтан ССКП чилиэнэ.
1929 сылтан бэчээттэнэр. 1937 сыллаахха маҥнайгы хоһооннорун, поэмаларын кинигэтэ тахсыбыта. Уобарастара күүстээҕинэн, бэйэтин айар дьоҕурунан ааҕааччылары биһирэппитэ. Таллан Бүрэ үлэ дьонун, айылҕа кэрэтин сыныйан суруйар. Төрөөбүт дойдуга бэринии, дириҥник таптааһын тыынынан илгийэр хас биирдии айымньыта баай фантазиялаах, философскай ис хоһоонноох. Ураты стиллээх, поэтическай тыллаах-өстөөх суруйааччы.
«Бочуот Знага» уордьанынан, элбэх мэтээллэринэн, Бочуот грамоталарынан наҕараадаламмыта.

🔵Буолар күнэ:
Быыстапка тохсунньу 25-31 күннэригэр туруоҕа.
🔵Буолар сирэ: Дьокуускай к., П.А. Ойуунускай аатынан литературнай музей, Октябрьскай уул., 10, ☎төл. 428912.
🔵Киирии билиэт сыаната: улахан дьоҥҥо – 100 солк., оҕолорго – 50 солк.