Саҥа дьылынан саҥардым,
Кэлэр дьылынан кэпсээтим,
Үөскүүр үйэнэн үөгүлээтим.
Саҥа дьыл
Саргыны салайдын,
Санааны көннөрдүн,
Эйэни тэниттин,
Эгэлгэни эргиттин,
Хараҥа санаа халбарыйдын,
Харыстаһыы хайыстын!

Алампа, 1926.
Алампа аатын ааттааммыт,
Араас аартыктан айаннааммыт,
Ааспыт кэмнэри санаары,
Ирэ-хоро кэпсэтээри,
Саҥа саҕахтары сырдатаары,
Ыра санаалары ырытаары,
Олоҥхолоон холоноору
Олунньу бастакы күнүгэр,
Ойуунускай убайбыт аатынан мусуойга мустуоҕуҥ!
Түмсүү барыла:
1. Саха тыйаатырын артыыстарын толорууларыгар Алампа хоһоонугар дьүһүйүү;
2. Олоҥхо тыйаатырын тыыннаах доҕуһуолунан «Үрүҥ туллук мөлбөстүүр» ырыаны толорор Ырыа Саарын;
3. «Биир хартыына тула». Кэпсиир Ефросиния Ноговицына;
4. «Куоратчыт» киинэни көрүү. Режиссер Михаил Лукачевскай;
5. Аан дойдуга тахсыбыт, Пусан киинэ бэстибээлигэр сүрэхтэммит «Саха кино: мир магической природы и мифов» ыстатыйалар хомуруунньуктарын туһунан ааптар, киинэпродюсера Сардаана Саввина кэпсиэҕэ. ААТ «АлампА»

Буолар сирэ: Б.Ойуунускай аатынан Литература мусуойа.
Октябрьскай уулусса, 10. Олунньу 1 күнэ, киэһэ 18.00 чаастан.
Киирии билиэт сыаната: 100 солк., оҕолорго — 50 солк.