You are currently viewing Иванов Николай Иванович

Иванов Николай Иванович

  

ИЙЭҔЭ МАХТАЛ

Бүлүү куоратыгар Ийэ скверин аһыллыытыгар

Эйигин оҕолуу суохтааммын            

Истиҥник кэпсэтэ түһээри…

Бэйэҕэр эппэтэх махталбын        

Бу манна чуумпуга этээри…   

           Бу кэллим…                                    

                    Күн ийэм…

                           Бу кэллим…        

Мин кэлэр буолуоҕум күһүн саас

Аастыйбыт төбөбүн төҥкөтө…  

Бу бүгүн бу наҕыл кырдьар саас

Күнүгэр тиэрпиккэр махтана… 

           Бу кэллим…                                    

                   Күн ийэм…                                       ..

                          Бу кэллим…        

Көрбөтөх сиэннэргин сиэтэммин      

“Эбэҕит этэ”, — диэн кэпсээри…   

Кэллибит, Ийэккээм, анааммын       

Бу бары сибэкки уураары…              

          Бу кэллим…                                  

                   Күн ийэм,                                       

                         Бу кэллим… 

Оо, Ийээ, Күн Ийээ, баһыыба

Олоххо Эн сиэтэн киллэркин.

Оо, Ийээ, Күн Ийээ, мөҥүмэ,

Үтүөҕүн хойутаан өйдүүбүн…

          Бу кэллим…                                  

                 Күн ийэм,                                       

                       Бу кэллим… 

2011 сыл, балаҕан ыйын 31 күнэ

     

Бүлүү улууһа, Бүлүү куората.

Иванов Николай Иванович,  пенсионер. Сэрии кэмин оҕото.

1945 сыл. кулун тутар 10 күнүгэр төрөөбүтэ.

Саха Республикатын суруйааччыларын Союһун чилиэнэ,

Саха Республикатын  культуратын туйгуна,

«Гражданскай  килбиэн» бэлиэ хаһаайына

Loading