You are currently viewing Эбээн суруйааччыта Платон Ламутскай төрөөбүтэ 100 сылыгар  “Суруйааччы  олоҕо, айар үлэтэ” викторина түмүгэ

Эбээн суруйааччыта Платон Ламутскай төрөөбүтэ 100 сылыгар “Суруйааччы олоҕо, айар үлэтэ” викторина түмүгэ

Викторинаҕа  8 киһи кытынна. Барыта  16 ыйытыктаах этэ. Кыттааччылар маннык №-дээх ыйытыыларга сыыһа-халты эппиэттээбиттэр, холобура:

1). 4 №.  “Бастакы кинигэтин аата, хас сыллаахха тахсыбытай?”  (Эппиэтэ: Эвен күнан икэген: стихи для детей. – Ленинград: Ленигр.отд Учпедгиз, 1960. – 44 с.) Үгүстэр тоҕо эрэ бастакы кинигэтин 1962 с диэбиттэр.

2). 8 № “Платон Афанасьевич фольклору хомуйуунан дьарыктанарыгар, умсугуйарыгар ханнык улуу суруйааччы ордук сыһыаннааҕый? (эппиэтэ: А.Е.Кулаковскай-Өксөкүлээх Өлөксөй).

3). 10 № ыйытыкка “П.Ламутскай “Сир иччитэ” романын 1984 с-хха эбээннии тылынан суруйан бүтэрбитэ. Романы сахалыы тылбаастыырга аан маҥнай кимтэн көрдөспүтэй?” диэн ыйытыкка ыарырҕаппыттар. (Эппиэтэ: норуодунай суруйааччы В.С.Соловьев-Болот Боотур). 

4). 11 № ыйытыкка. “Платон Ламутскай ханнык биллэр суруйааччыны сууттаныыттан быыһаабытай?” (Эппиэтэ: П.Ламутскай эбээн бастакы суруйааччыта  Н.С.Тарабукины таба ыстаадатын биригэдьииринэн үлэлии сылдьан, табалары итэппит диэн буруйдаан хаайыыга олордубуттарын, сүүрэн-көтөн, сууттанарыттан быыһаабыт.

Түмүккэ, Сунтаар улууһун Күндэйэ нэһилиэгиттэн  Егорова Мария Николаевна толору эппиэти ыытан  1  миэстэни.  Кузьмина Надежда Константиновна 2 миэстэ,  Сунтаар улууһун Күүкэйиттэн  Саввинова Ксения Егоровна уонна Игнатьев Тамерлан 3 миэстэни ыллылар. Ону таһынан Тааттаттан, Горнайтан, Сунтаар Күүкэйиттэн, Күндэйэтиттэн,   Дьокуускайтан кытыннылар.

Эбээн литературатын бастакы романист-суруйааччыта П.А. Степанов-Ламутскай төрөөбүтэ 100 сылыгар аналлаах викторина кыттыылаахтарыгар  махталбытын тиэрдэбит уонна бары кыттааччыларга сертификат, кыайыылаахтарга диплом эл. почтанан ыытабыт. 

 254 total views,  1 views today